नेप्से परिसूचक ३० दशमलव ७५ अंकले गिरावट

पुष २१,काठमाडौं । तीन दिनयता लगातार रुपमा उच्च अंकमा बढेको शेयर बजार मापक नेप्से परिसूचक बुधबार बे्रक लागेको छ ।

तीन दिनमा १५५ अंकले बढेर २ हजार ६ सय विन्दुमाथि पुगेको नेप्से परिसूचक आज ३० अंकले गिरावट आएको छ । साताको पहिलो कारोबार आइतबार ६० अंकले बढेको नेप्से सोमबार पनि त्यसैको निरन्तरता स्वरुप ३२ अंकले बढेको थियो भने आइतबार र सोमबारको भन्दा मंगलबार नेप्से परिसूचक ६३ दशमलव०१ अंकले बढेको थियो । तर आज नेप्से परिसूचक ३० दशमलव ७५ अंकले गिरावट आएर २ हजार ६४९ दशमलव २० विन्दुमा झरेको छ । त्यस्तै ठूला कम्पनीको शेयर मूल्य मापक गर्ने सेन्सेटिभ इण्डेक्स पनि ६ दशमलव ६८ अंक, फ्लोट इण्डेक्स २ दशमलव ३६ अंक र सेन्सेटिभ फ्लोट इण्डेक्स २ दशमलव ७५ अंकले गिरावट आएको छ ।

बुधबार कारोबारमा आएका २३६ कम्पनीको ९५ लाख ५९ हजार ४२९ कित्ता शेयर ४ अर्ब ६२ करोड १५ लाख ९८ हजार ५८३ रुपैयाँको शेयर कारोबार भएको छ । मंगलबार ४ अर्ब ३२ करोड २६ लाख ९ हजार ८२७ रुपैयाँको शेयर कारोबार भएको थियो । कारोबार रकममा भने मंगलबारको तुलनामा बढेको छ ।

नेप्सेका १३ उपसमूहमध्ये जलविद्युत र फाइनान्स बाहेक अन्य सबै उपसमूह राताम्मे भएको छ । जसमध्ये जलविद्युत उपसमूह ० दशमलव ४९ प्रतिशत र फाइनान्स उपसमूह ० दशमलव १ प्रतिशतले बढेको छ । होटल तथा पर्यटन उपसमूहको परिसूचक २ दशमलव२१ प्रतिशतले गिरावट आएको छ । उत्पादन तथा प्रशोधन उपसमूह १दशमलव ७४ प्रतिशत, विकास बैंक उपसमूहको परिसूचक १ दशमलव ७१ प्रतिशतले गिरावट आएको छ। त्यस्तै, बैंकिङ्ग, वित्त, लगानी उपसमूह र अन्य उपसमूहको परिसूचक करिव १ प्रतिशतले गिरावट आएको छ ।

नेप्सेमा गिरावट आए पनि आज मध्य भोटेकोशी जलविद्युत कम्पनीको शेयर मूल्य ९ दशमलव ९६ प्रतिशतले बढेर प्रतिकित्ता २१४ दशमलव २० रुपैयाँ पुगेको छ । त्यस्तै विजया लघुवित्त वित्तीय संस्थाको शेयर मूल्य ४ दशमलव ५५ प्रतिशतले सबैभन्दा धेरैले घटेको छ । आज कारोबार रकमको आधारमा सबैभन्दा धेरै शिवम् सिमेन्टको १८ करोड ७२ लाख रुपैयाँ बराबरको सेयर कारोबार भएको छ ।

Spread the love

Comment here