यो हो साउन महिनाको उत्कृष्ट म्यानपावर

गत साउन महिनामा सपोर्ट ह्युमन रिसोर्स प्रा.लि सबैभन्दा धेरै कामदार वैदेशिक रोजगारीमा पठाउन सफल भएको छ । कामदार वैदेशिक रोजगारीमा पठाउने कम्पनीमध्ये साउन महिनामा मात्र ५०४ कामदार पठाएर सपोर्ट ह्युमन रिसोर्स उत्कृष्ट हुन सफल भएको हो । सपोर्ट ह्युमन रिसोर्स प्रा.लि ले गत साउन महिनामा मात्र ५०४ जना कामदारहरुलाई वैदेशिक रोजगारीमा पठाएको छ । सपोर्ट ह्युमन रिसोर्स बाट वैदेशिक रोजगारीमा जानेमध्ये ४२४ जना पुरुष रहेका छन् भने ८० जना महिला कामदार रहेका छन् । कतिपय म्यानपावर कम्पनीले गत वर्ष १०० जना कामदार पनि वैदेशिक रोजगारीमा पठाउन नसकेर नवीकरणको प्रकृयामा रहेको बेला सपोर्ट ह्युमन रिसोर्सले भने ५०४ कामदार वैदेशिक रोजगारीमा पठाएको हो ।
नयाँ आर्थिक वर्ष सुरु भएसँगै म्यानपावर कम्पनीहरुले वैदेशिक रोजगार विभागबाट अन्तिम श्रम स्वीकृति लिने कार्य अगाडि बढाएका हुन् । चालु आर्थिक वर्षको पहिलो महिनामा २५५०७ जना कामदार वैदेशिक रोजगारीमा गएका छन् । तीमध्ये पुरुषको सङ्ख्या २२२८५ र महिलाको सङ्ख्या ३२२२ रहेको वैदेशिक रोजगार विभागले जनाएको छ ।