वैदेशिक रोजगारी ठगीमा मुद्दा छिटो अनुसन्धान गर्न सरकारले विशेष कार्यदल गठन प्रक्रिया अघि बढाएको छ। विशेष कार्यदलमा वैदेशिक रोजगार विभाग, महान्यायाधिवक्ता कार्यालय, गृह मन्त्रालय र सुरक्षा निकायका अधिकारी रहनेछन् र १५ जनासम्म सदस्य रहनेछन्।
विभागमा हरेक दिन सयौँको संख्यामा नयाँ उजुरी थपिँदै आएका छन् । हरेक वर्ष ५ हजारभन्दा बढी उजुरी आउने गरेको विभागले जनाएको छ । हाल विभागमा ३५ हजारभन्दा बढी ठगी मुद्दा अनुुन्धान क्रममा छन् ।
कार्यदलले कानुनी र नीतिगत कमजोरी पहिचान, उजुरी स्क्रिनिङ, अदालतमा लैजाने वा मेलमिलाप मार्फत टुंग्याउने मार्गनिर्देशन जस्ता काम गर्ने छ ।
