मङ्सिर ६, काठमाडौ । कर्मचारी सञ्चय कोषले सिभिल स्टेट्स प्रालिलाई आफ्नो ऋण तिर्न सुचना जारी गरेको छ ।
३५ दिने सूचना जारी गरेर काठमाडौंको सुन्धारा स्थित सिभिल मल धितोमा राखेर लिइएको ऋण तिर्न भनेको हो । कोषले ऋणको सावाँ र ब्याज रकम भुक्तानीको लागि दिइएको भाका नाघेको र उक्त अवधिभित्र ऋण तिर्न नआए सिभिल मल लिलामी गर्ने बताएको छ । लिलामी सिलसिलामा लागेको सम्पुर्ण खर्च ऋणी बाट नै असुल गरिने कोषले जनाएको छ । कम्पनीले करिब २० करोड रूपैयाँ ऋण तिर्न बाँकी रहेको र नियमित रूपमा सावाँ र ब्याज नतिरेपछि सूचना निकालिएको जनाइएको हो ।
सन्चालक इच्छाराज तामाङ, केशवलाल श्रेष्ठ र प्रविण मुखिया रहेको उक्त मलमा १३२ पसल रहेका छन् । ६ रोपनी जग्गामा रहेको मल ८२ हजार ९५ वर्गफिटको रहेको जनाइएको छ ।