जेठ १८, काठमाडौं । मंगलबार सेयर कारोवारमा गिरावट आएको छ । मंगबलार दिनभर भएका ९८ हजार ६ सय ७ कारोबारबाट २१६ कम्पनीका १ करोड ९७ लाख ८३ हजार ३५४ कित्ता सेयर किनबेच भएका छन् । कारोबार रकम भने ८ अर्ब ५९ करोड ८१ लाख ६० हजार ११७ रुपैयाँमा रोकिएको छ ।
‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पनि ३ दशमलव ६९ अंकले घटेको छ । आइतबार १७ अर्ब रुपैयाँ माथि कारोबार पुगेर ऐतिहासिक रेकर्ड कायम भएको थियो भने सोमबार १३ अर्ब माथिको कारोबार भएको थियो । मंगलबार ९ अर्ब रुपैयाँको पनि कारोबार हुन सकेन ।
मंगलबार विकास बैंक र फाइनान्स कम्पनीको समूहगत सबइन्डेक्स बढेको छ भने बाँकी सबइन्डेक्सहरु घटेका छन् । सोमबार जस्तै धेरै गुमाउनेहरुको शिर्ष स्थनामा हाइड्रोपावर कम्पनीहरुको सेयर मूल्य देखिएको छ ।
लुम्बिनी विकास बैंक, समिट माइक्रोफाइनान्स, महालक्ष्मी विकास बैंक, नेपाल पुनर्बिमा कम्पनी लगायतको सेयर मूल्य बढेको छ । पछिल्लो पटक बजेट जारी भएपछि सेयर बजारमा निकै उतारचढाब आएको छ । अहिले फेरि सेयर बजार ओरालो लाग्न थालेको छ ।
