पुष २१,काठमाडौं । बैंक अफ काठमाण्डूले बिओके रेमिट बचत खाता तथा मुद्धती खाता सार्वजनिक गरेको छ ।
“श्रम विदेशमा प्रतिफल स्वदेशमा” भन्ने मुलनाराका साथ विदेशमा श्रम गरिरहनु भएका नेपाली महानुभावहरुलाई उच्चतम ब्याजदरको ब्यवस्था सहित बैंकले उक्त बचत खाता तथा मुद्धती खाता संचालनमा ल्याएको हो । विदेशमा बसि श्रम गरिरहनु भएका महानुभावहरुले उक्त चत तथा मुद्धती खाता यस बैंकमा खोल्न सक्ने जनाइएको छ । यस मुद्धती खाता खोल्दा ग्राहकहरुले ११.०५% वार्षिक ब्याजदर पाउने बैकले जनाएको छ ।
साथै, बिओके रेमिट बचत खातामा उच्चतम् ब्याजदरको प्रतिफल सहित मोबाईल बैंकिङ्ग शुल्कमा, डेबिट कार्ड जारी शुल्कमा ५०% को छुट तथा अन्य आर्कषक बिशेषताहरुको उपयोग गर्न सक्ने बैकले जनाएको छ । बैंकले सार्वजनिक गरेको उक्त बचत खाता तथा मुद्घती खाताले विदेशमा श्रम गरि आर्जन गर्नुभएको रकमको उच्चतम् प्रतिफलका साथै सहज बैंकिङ्गको अनुभव लिन पाउनुहुने विश्वास बैंकले लिएको जनाइएको छ ।
