घरजग्गा व्यवसायप्रति नकारात्मक बुझाइ छ, यसलाई चिरौं :मन्त्री अधिकारी

काठमाडौं । भूमि व्यवस्था, सहकारी तथा गरिबी निवारणमन्त्री बलराम अधिकारीले घर जग्गा व्यवसायप्रति आम जनताको नकरात्मक बुझाई रहेको भन्दै त्यसलाई चिर्न आवश्यक रहेका बताएका छन् ।
मंगलबार काठमाडौंमा नेपाल जग्गा तथा आवास विकास महासंघको तेस्रो स्थापना दिवसको अवसरमा आयोजित कार्यक्रममा बोल्दै उनले घरजग्गा व्यवसाय गर्नेहरुले जनताको लागि नभएर आफ्नो फाइदाको लागि मात्र गरेको हुन् भन्ने धारणा रहेको बताउँदै यसलाई चिर्न जरुरी रहेको बताएका हुन् ।
त्यस्तै उनले महासंघले आफ्नो उद्देश्य, लक्ष्य, नीति, विधि र कानुन अनुसार अगाडि बढेर गर्ने कार्यहरुमा भएका भ्रमलाई चिर्ने कुरामा पहिलो प्राथमिकता दिएर लाग्नुपर्ने बताए । जबसम्म भ्रमलाई चिरेर अगाडि बढ्न सकिँदैन् तबसम्म व्यवसाय फस्टाउन पनि नसक्ने उनको भनाइ छ ।